skip to main |
skip to sidebar
சஞ்சய் லீலா பன்சாலி மற்றும் ரோனி ஸ்குருவாலா தயாரித்து சஞ்சய் லீலா பன்சாலி இயக்கி ஹ்ருதிக், ஐஸ்வர்யா ராய் மற்றும் பலர் நடித்து ஹிந்தியில் வெளிவந்துள்ள படம்தான் குஜாரிஷ்.
நண்பனின் சதியின் காரணமாக ஒரு விபத்தில் சிக்கி பதினான்கு வருடங்களாக க்வாட்ரிப்லிஜியா நோயால் அவதிப்படும் நாயகன் ஹ்ருதிக் மெர்ஸி கில்லிங்க்காக கோர்ட்டில் அப்ளை செய்கிறார். ஆனால் கோர்ட் அதற்கு மறுத்து பெட்டிஷனை ரத்து செய்கிறது. இதனால் சிறிதுகாலம் அமைதியாக இருக்கும் நாயகன் பின்பு தனது ரேடியோ ரசிகர்களின் உதவியுடன் மீண்டும் மெர்ஸி கில்லிங்க்காக அப்ளை செய்கிறார். அதன்பின்பு அவருக்கு என்ன தீர்ப்பு கிடைக்கிறது மற்றும் அவரது முடிவு என்ன என்பதே கதை.
புகழ்பெற்ற மேஜிசியனாக வருகிறார் ஹ்ருதிக். அவரது வளர்ச்சி பொறுக்காமல் அவரது நண்பர் சித்திக் ஒரு ஷோவின்போது விபத்தை ஏற்படுத்தி விடுகிறார். அதன் காரணமாக கழுத்துக்கு கீழே உணர்வற்று போய்விடுகிறது. நோயுடனே பதினான்கு வருடங்களை கடத்துகிறார். இடையில் கிடைத்த வாய்ப்பை பயன்படுத்தி ரேடியோ ஜாக்கியாக வேலை செய்து அதிலும் புகழ்பெறுகிறார்.
நடிப்பில் அசத்தி இருக்கிறார் ஹ்ருதிக். ஒவ்வொரு காட்சியிலும் அவர் கண்கள் பேசுகின்றன. அவர் படும் அவஸ்தையை நமக்கு தனது முகம் மூலமாகவே வெளிப்படுத்துகிறார். நாயகனை பராமரிக்க வரும் செவிலியராக ஐஸ்வர்யா ராய். ஐஸ்க்கு நீண்டநாள் கழித்து நடிப்புத்திறமையை காட்ட ஒரு நல்ல வாய்ப்பு இந்த கதாபத்திரம். ஐஸ் ஹ்ருதிக் உடன் போட்டி போடுகிறார் நடிப்பில். இவர்கள் இருவருக்கும் இடையிலான காட்சிகள் ஒவ்வொன்றும் அருமை.
சித்திக்கின் மகனாக வரும் ஆதித்யா ராய் கபூரும் தனது கதாபாத்திரத்தை சிறப்பாக செய்துள்ளார். நாயகனின் வக்கீல் நண்பியாக வரும் ஷெர்னா பட்டேல் நட்புக்கு புது அவதாரமாக திகழ்கிறார்.
படம் முழுக்க கோவாவில் படமாக்கியிருப்பதால் ஒவ்வொரு காட்சியிலும் கண்ணுக்கு குளிர்ச்சி இயல்பாகவே வருகிறது (அந்த குளிர்ச்சி இல்லை. இது இயற்கை). வித்தியாசமான கதைக்களம் என்பதால் இயக்குநர் திரைக்கதையில் அதிக கவனம் செலுத்தியிருப்பது தெரிகிறது.
வழக்கமான திரைப்படங்களை போல இதில் எந்த மசாலாத்தனமும் கிடையாது. இந்த படத்தை ரசிப்பதற்கு பொறுமை மிக அவசியம். மொத்தத்தில் கலாரசிகர்களுக்கு இப்படம் நல்ல விருந்து. ஒவ்வொரு ரசிகனும் தவறாமல் பார்க்க வேண்டிய நல்ல திரைப்படம். (இந்த வருடத்தில் நான் பார்த்த மொத்த இந்தி படங்களிலேயே சிறந்ததாக இதனை சொல்லலாம்.)
விபுல் ஷா தயாரித்து இயக்கி அக்சய் குமார், ஐஸ்வர்யா ராய், நேகா தூபியா மற்றும் பலர் நடித்து ஹிந்தியில் வெளிவந்துள்ள படம்தான் ஆக்சன் ரீப்ளே.
எப்போதும் சண்டையிட்டுக் கொண்டிருக்கும் அப்பா அம்மாவைப் பார்த்து திருமணத்தை வெறுக்கிறான் ஒரு இளைஞன். அவர்களது திருமணம் தாத்தா பாட்டி வற்புறுத்தலின்பேரில் நடக்கிறது. பெற்றோர் திருமணம் காதல் திருமணமாய் இருந்திருந்தால் இந்த மாதிரி சண்டை போடாமல் இருப்பார்களே என நினைக்கிறான்.அவனுடைய காதலியின் தாத்தா கண்டுபிடித்த கால எந்திரத்தின் உதவியால் தன்னுடைய பெற்றோரின் இறந்த காலத்துக்குள் நுளைகிறான். அதன் பிறகு இறந்த காலத்தில் எவ்வாறு தனது பெற்றோருக்கிடையில் காதலை உருவாக்குகிறான், இருவருக்குமிடையிலான நெருக்கத்தை எவ்வாறு அதிகரிக்கிறான் என்பதே கதை.
நாயகனாக ஆதித்யா ராய் கபூர் மற்றும் அவரது பெற்றோராக அக்சய் குமார் மற்றும் ஐஸ்வர்யா ராய். படத்தில் 1975களை காட்டும் காட்சிகளில் இயக்குனரின் மெனக்கெடல் தெரிகிறது மற்றும் அக்சயின் ஓட்டலில் வேலை செய்பவராக வரும் ராஜ்பால் யாதவ்-ன் காமெடி கொஞ்சம் ஆறுதல்.அதைத் தவிர படத்தில் சொல்லிக்கொள்ளும்படி ஒன்றும் இல்லை. லாஜிக் என்பது சுத்தமாக கிடையாது. இசையும் சுமார் ரகம்தான்.
அக்சய் இதற்காக நீண்டமுடி வளர்த்து தனது ஹேர்ஸ்டைலை மாற்றி இருக்கிறார். அவரை இதில் கிட்டத்தட்ட ஒரு கோமாளி போல காட்டி இருக்கின்றனர். அக்சயை எப்போதும் கலாய்க்கும் கேரக்டரில் ஐஸ். ஐஸ்வர்யா ராய் ராவணன் மற்றும் எந்திரனுக்கு அப்புறம் இப்படி ஒரு படமா?. எப்படி இந்த படத்திற்கு ஒப்புக்கொண்டார் என்றே விளங்கவில்லை. ஐஸின் நண்பராக வரும் ரான்விஜய் சிங்கின் நடிப்பும் ரசிக்கும்படி இல்லை. நேகாவும் இதே ரகம்தான்.
நாயகன் வந்த கால எந்திரம் 1975க்கு சென்றவுடன் சேதமடைந்து விடுகிரது. பின்பு அவர் கால எந்திரம் கண்டுபிடித்தவரை 35 வருடங்களுக்கு முன்பே சந்திப்பதாகவும், அவர் மாற்று இயந்திரம் கண்டுபிடிப்பதாகவும் அதன் மூலம் திரும்பி 2010க்கு வருவதாகவும் இருப்பது சுத்தாக ஏற்றுக்கொள்ள இயலவில்லை. இவ்வாறு நிறைய இடங்களில் லாஜிக் உதைக்கிறது (எங்கேன்னு கேக்காதீங்க).
இயக்குனர் விபுல் ஷாவைப் பற்றி இங்கே கண்டிப்பாக சொல்ல வேண்டும் (ஏன்னா தயாரிச்ச புண்ணியவான் அவர்தானே). இவர் மின்னலே படத்தின் ரீமேக் ஆன ரெஹனா ஹை தேரே தில்மே படத்தில் ரைட்டராக பணிபுரிந்தவர். கடந்தாண்டு வெளிவந்த லண்டன் ட்ரீம்ஸ் என்ற படத்தை இயக்கியவர் (அம்மணி அசின், சல்மான் மற்றும் அஜய் தேவ்கன் ஆகியோர் நடித்தது). காக்க காக்க வின் ஹிந்தி ரீமேக் (ஜான் ஆப்ரகாம் மற்றும் ஜெனிலியா) மற்றும் ஏ.ஆர்.முருகதாஸின் அடுத்த ஹிந்தி படம் (அக்சய் குமார் மற்றும் அசின்) இரண்டையும் தயாரிக்கிறார் என்பது உபதகவல் (நல்லவேளை இயக்கலை).
ஓரளவு நல்ல கதை, இன்னும் நன்றாக உருவாக்கி இருக்கலாம். மொத்தத்தில் ஆக்சன் ரீப்ளே ஒரு பெருத்த ஏமாற்றம் (என்ன பண்றது? விமர்சனம் எழுதி மனச தேத்திக்க வேண்டியதுதான்). தீபாவளிக்கு வேற நல்லபடம் ஏதும் ரிலீஸ் ஆகாததால் (நாங்களும் அப்படிதானே போயி மாட்டிக்கிட்டோம்) ஓரளவு வசூல் எதிர்பார்க்கலாம் (வேறென்ன போட்ட காசுதான். பட்ஜெட் 40 கோடிங்க).
பி.கு : இப்படிக்கு மொக்கப்படத்த தேடிப்போயி பார்த்து பின் புலம்புவோர் சங்கம்.
மணிரத்னத்தின் இயக்கத்தில் விக்ரம், ஐஸ்வர்யா ராய், அபிஷேக் மற்றும் பலரது நடிப்பில் ஹிந்தியில் வெளிவந்துள்ள படம் தான் ராவன்.
கதை நீங்கள் ஏற்கனவே பல விமர்சனங்களில் படித்திருப்பீர்கள். அதனால் நேரடியாக விசயத்துக்கு வருவோம்.
ஐஸ்வர்யா ராய் நடிப்பில் தனி முத்திரை பதித்து இருக்கிறார். கடத்தி வந்து கண்கட்டை அவிர்க்கும் காட்சியில் அவர் கண்களில் காட்டும் எக்ஷ்ப்ரெஷன் இருக்கே அப்பப்பா பிரமாதம்.
தமிழில் பிரித்விராஜ் செய்த கேரக்டரை இந்தியில் விக்ரம் செய்துள்ளார். விக்ரம் போலீஸ் அதிகாரியாக சரியாக பொருந்துகிறார். விக்ரம் சொந்த குரலில் ஹிந்தி பேசி நடித்து இருக்கிறார். சில இடங்களில் உச்சரிப்பு சரியாக இல்லாவிட்டாலும் நன்றாகவே பேசுகிறார். வாழ்த்துக்கள்.
ராவணனனாக அபிஷேக் அசத்துகிறார்.ஐஸ்வர்யா மீது காதல் வரும் போதும் சரி, விக்ரம் மீது கோபம் வரும் போதும் சரி அளவான நடிப்பை தந்துள்ளார்.விக்ரம், அபிஷேக் இருவருமே ஒருவருக்கொருவர் போட்டி போட்டு நடித்துள்ளனர்.
காட்சியமைப்பு மற்றும் ஆர்ட் மிகப்பெரிய பலம். அதற்கேற்ப ஒளிப்பதிவில் மிரட்டுகிறார் சந்தோஷ் சிவன்.
பின்னணி இசை மற்றும் பாடல்கள் அருமை. படத்தில் பாடல்களின் வரிசை (sequence)
சரியாக இல்லாதது ஒரு பின்னடைவு.
விக்ரம் மற்றும் குழுவினர் ஏன் அபிஷேக் ஐ கொல்ல வருகின்றனர், அபிஷேக்-ன் தங்கையை (பிரியாமணி) ஏன் கடத்தி செல்கின்றனர் என்பதற்கான பின்னணி சொல்லப்படாதது மிகப்பெரிய மைனஸ்.இவற்றால் திரைக்கதையில் ஏற்படும் தொய்வை தவிர்க்க இயலவில்லை.
மொத்தத்தில் பழைய மணிரத்னத்தை இதில் காண இயலவில்லை என்பது உறுதி.
